क्वालालम्पुर, मलेसिया । मलेसिया स्थित मडेका स्टेडियममा सम्पन्न नेपाली कलाकार र हिमालयन फुटबल क्लबबीचको मैत्रीपुर्ण फुटबल प्रतियोगितामा हिमालयन फुटबल क्लब ४-० गोल अन्तरले बिजयी भएको छ।

सेप्टेम्बर २८ का दिन भएको उक्त खेलमा नेपाली कलाकारको टिमबाट नेपाली कांग्रेसका प्रदिप पौडेल, नायक धिरन शाक्य र बक्स अफिस इन्टनेशनल ग्रुपका संयोजक राम बहादुर सुवेदी लगायतका व्यक्तिहरु सहभागी थिए । त्यस्तैगरी हिमालयन फुटबल क्लबमा हिमालयन फुटबल क्लब, मलेसियाका अध्यक्ष सन्तोष कार्की, टिम म्यनेजर राजु तामाङ र खेलाडीहरु सहभागी थिए।

खेलको समापन समारोहमा हिमालयन फुटबल क्लबको तर्फबाट अध्यक्ष सन्तोष कार्कीले नेपाली कलाकार टिमलाई मायाको चिनो प्रदान गरे भने बक्स अफिस ईन्टरनेशनल ग्रुपको तर्फबाट खेलका बिजेता, उप बिजेता र सहयोगीलाई मेडलसहित नायक धिरन शाक्य, राम बहादुर सुवेदी र युवा नेता प्रदिप पौडेलले सम्मान गरेका थिए।

पत्रकार सम्मेलनमा बोल्दै नायक धिरन शाक्यले भने, खेल स्वास्थ र सम्बन्ध सुधारको लागि खेलिएको हो, हामी मलेसियामा विश्व परिक्रमा नागरिक सम्मान मलेसिया २०१९ कार्यक्रमको लागि आएको हौँ, यो नेपाल र नेपालीले गर्व गर्नुपर्ने कार्यक्रम हो जसमा मेरो सधै सहभागीता र सहयोग रहन्छ।

यसैगरी बक्स अफिस ईन्टरनेशनल अवार्ड तथा कार्यक्रम सगरमाथाको बेसक्याम्प देखि समुन्द्र मुनिसम्म सम्पन्न गरेर गिनिजबुक वल्ड रेकर्ड कायम गर्न सफल भई अहिले पनि सो अभियानमा विश्वपरिक्रमा गरिरहेकालाई नागरिक सम्मान कार्यक्रम २०१९ मलेसियाको लागि आएको र मलेसियामा रहेको नेपालीहरुलाई विभिन्न ५ विधाका अवार्डबाट सेप्टेम्बर २९ तारिख होटेल ग्राण्ड कन्टिनेन्टल मलेसियामा सम्मान गरिने बक्स अफिसका संयोजक सुबेदीले बाताए।

साथै यसै कार्यक्रममा समाजसेवी तिल बहादुर कार्की र कार्कीको अभियान सम्बन्धी डकुमेन्ट्री प्रदर्शन कार्यक्रम पनि रहेको सुबेदीले जानकारी दिए।