धादिङ । धादिङको लापाङबाट धादिङबेशीतर्फ जाँदै गरेको बा ४ ख ५७९३ नं. को बस अनियन्त्रित हुँदा ५ जना घाईते भएका छन्।

घाईतेमध्ये ३ जना दल बहादुर तामाङ, चन्द्र परियार र सन्तमाया तामाङको अवस्था गम्भीर रहेको जिल्ला प्रहरी कार्यालयकी प्रवक्त प्रहरी नायव उपरिक्षक रुपक खड्काले बताएकी छन् ।

दुर्घटनामा परी घाईते हुनेहरुमा धादिङ नेत्रावतीका दल बहादुर तामाङ, हस्त कुमारी तामाङ, लक्ष्मी तामाङ, चन्द्र परियार र सन्तमाया तामाङ घाईते भएका हुन् ।

अनियन्त्रित भई बस सडकबाट ४५ मिटर तल खेतमा खसेको र बसका चालक २६ वर्षीय सरोज श्रेष्ठलाई पक्राउ गरिएको प्रहरीले जनाएको छ ।