मुम्बइ। बलिउड अभिनेत्री मौनी रोय अहिले जन्मदिन मनाउन माल्दिभ्स पुगेकी छिन् । मौनीले आफ्नो यात्राका तस्वीरहरु इन्स्टाग्राममा शेयर गरेकी छिन् । तस्वीरमा मौनी समुद्र किनारमा बिकिनीमा मस्ती गरिरहेकी देखिएकी छिन् । यसअघि मौनीले युरोपमा विदा मनाउन गएकी थिइन् । त्यतिबेलाका तस्वीर पनि उनले सामाजिक संजालमा शेयर गरेकी थिइन् ।

मौनी अब बलिउड फिल्म मेड इन चाइनामा देखिँदैछन् । यो फिल्ममा राजकुमार राव मुख्य भूमिकामा छन् । फिल्मको गीत ओढनी केही दिनअघि रिलिज भएको थियो । गुजराती लोकगीतलाई रिमेक गरी बनाइएको यो गीत धेरैले मन पराएका छन् । मौनीले अक्षय कुमारसँग फिल्म गोल्डबाट बलिउड डेब्यू गरेकी थिइन् ।