काठमाडौं । फिल्म ‘पोइ पर्‍यो काले’ को ट्रेलर सार्वजनिक गरिएको छ । कमेडी शैलीको ट्रेलरमा पोइ काले पर्नुको पीडा देखाइएको छ । ट्रेलरमा पूजा शर्मा, सौगात मल्ल, आकाश श्रेष्ठ, सृष्टि श्रेष्ठ लगायतका कलाकारको शीर्ष भूमिका देख्न सकिन्छ । फिल्मलाई शिशिर राणाले निर्देशन गरेका हुन् ।

यस्तै फिल्ममा सोहित मानन्धर, सुरक्षा पन्त, किरण नेपाली, सृष्टि खड्का, शिशिर राणा, राजाराम पौडेल लगायतका कलाकारले समेत अभिनय गरेका छन् । निर्देशक राणाकै कथा रहेको यो फिल्मलाई राजिव गुरुङ र सरोज नेपालीले निर्माण गरेका हुन् । चलचित्र आउँदो कार्तिक ८ गतेबाट प्रदर्शनमा आउँदैछ ।