एजेन्सी । इटालियन सिरी ए फुटबलमा नापोलीले सहज जित निकालेको छ । शनिबार राति भएको खेलमा नापोलीले भेरोनालाई २–० गोल अन्तरले पराजित गरेको छ ।

घरेलु मैदानमा नापोलीलाई जित दिलाउन एरिक मिलिकले दुई गोल गरे । खेलको ३७ औं मिनेटमा मिलिकले गोल गर्दै नापोलीलाई अग्रता दिलाएका थिए । त्यसपछि खेलको ६७ औं मिनेटमा मिलिकले व्यक्तिगत दोस्रो गोल गर्दै नापोलीलाई २–० को जित दिलाए ।

जितसँगै नापोली लिगको चौथो स्थानमा उक्लिएको छ । नापोलीले ८ खेलमा १६ अंक जोडेको छ । ९ अंक जोडेको भेरोना ११ औं स्थानमा रहेको छ ।