काठमाडौं । एएफसी फुटसल च्याम्पियनसिप छनोटको पहिलो खेलमा नेपालले आज बलियो टिम ताजिकिस्तानसँग प्रतिस्पर्धा गर्दैछ ।

उत्कृष्ट नतिजा निकाल्ने योजनासहित छनोटका लागि इरान पुगेको नेपालले अपरान्ह ताजिकिस्तानको सामना गर्नेछ । नेपाल र ताजिकिस्तानबीचको खेल नेपाली समय अनुसार अपरान्ह ३ः१५ मा सुरु हुनेछ ।

इरानको उर्मियामा नेपाल पहिलो खेलमा सुखद नतिजा निकाल्ने योजनामा हुनेछ । छनोटको सेन्टर र साउथ जोनमा रहेको नेपाल समूह ुए’ मा रहेको छ । नेपालको समूहमा ताजकिस्तान, उज्वेकिस्तान र अफगानिस्तान रहेका छन् ।

नेपालले दोस्रो खेलमा उज्वेकिस्तानसँग कात्तिक ७ गते खेल्नेछ । अन्तिम खेलमा नेपालले अफगानिस्तानसँग कात्तिक ८ गते खेल्नेछ । छनोटको शीर्ष टिम फाइनल चरणमा छनोट हुनेछन् । फाइनल चरणको खेल भने फेब्रुवरी २७ देखि मार्च ८ गतेसम्म तुर्कमेनिस्तानमा आयोजना हुनेछ ।