काठमाडौं । पहिलो संस्करणको वुमन्स च्याम्पियन्स लिग क्रिकेट (डब्लुसीएल)को उपाधिको छिनोफानो आज हुदैँछ । पहिलो महिला फ्रेन्चाईज लिगको उपाधिका लागि क्याट क्विन्स काठमाडौं र चितवन राईनोजबीच प्रतिस्पर्धा हुन लागेको हो ।

खेल काठमाडौंको कीर्तिपुरस्थित त्रिवि मैदानमा बिहान साढे ११ बजे सुरु हुनेछ । प्रतियोगिताको अपराजित टिम चितवन सोही लयलाई कायम राख्दै प्रतियोगिताको उपाधि उचाल्ने दाउमा छ ।

तर चितवनसंग पहिलो खेल गुमाएर उत्कृष्ट पुनरागमन गरेको काठमाडौं समेत उपाधि भिडन्तमा आफुलाई आफुलाई प्रमाणित गर्ने प्रयास गर्नेछ । लिग चरणमा चितवनले काठमाडौंलाई ५ विकेटले पराजित गरेको थियो ।

क्विन्स ईभेन्ट म्यानेजमेन्टले आयोजना गरेको प्रतियोगिताको विजेताले ७ लाख र उपविजेताले ३ लाख रुपैयाँ प्राप्त गर्नेछ । प्रतियोगिताको सर्वोकृष्ट खेलाडीले टीभीएसको स्कुटर र ५० हजार पाउनेछ । विधागततर्फका उत्कृष्टले जनही २५ हजार रुपैयाँ प्राप्त गर्नेछन् ।