काठमाडौं । नेपाली राष्ट्रिय महिला भलिबल टिमले आज पाँचौं मैत्रीपूर्ण खेल खेल्दैछ ।

वैदेशिक प्रशिक्षण तथा मैत्रीपूर्ण खेलका लागि थाइल्याण्डमा रहेको नेपाली टिमले पाँचौं मैत्रीपूर्णमा थाइल्याण्डको टिमसँग खेल्नेछ । नेपाल र थाइल्याण्डबीचको खेल अपराह्न ४ बजेपछि हुनेछ । यस अघिका चार मैत्रीपूर्ण खेलमा नेपालले तीन खेलमा जित निकालेको छ ।

पहिलो मैत्रीपूर्ण खेलमा नेपालले स्थानीय टिम जरानसानिवोङलाई हराएको थियो । दोस्रो खेलमा नेपालले थाइल्याण्डको बैंकक युनिभर्सिटीको यू–२३ टिमलाई हराएको थियो । यस्तै तेस्रो खेलमा नेपाल थाइल्याण्डको यु–२१ युथ टिमसँग पराजित भएको थियो भने चौंथो खेलमा नेपालले जापानको जुनियर टिमलाई हराएको थियो । थाईल्याण्डमा नेपालले ७ मैत्रीपूर्ण खेल खेल्नेछ ।