एजेन्सी । स्पेनिस ला लिगा फुटबलमा भिल्ला रियलले सहज जित निकालेको छ ।

शुक्रबार राति भएको खेलमा भिल्ला रियलले डिपोर्टिभो अल्भेसलाई ४–१ गोल अन्तरले हराएको छ । भिल्ला रियलको जितमा कार्ल तोको एकाम्बीले दुई गोल गरे । यस्तै जेर्राड मोरेनो र जाभियर ओन्टिभेरोसले एक एक गोल गरे ।

जितसँगै भिल्ला रियल लिगको तेस्रो स्थानमा उक्लिएको छ । भिल्ला रियलले १० खेलमा १७ अंक जोडेको छ । १० खेलमा ११ अंक जोडेको अल्भेस १४ औं स्थानमा रहेको छ ।