काठमाडौं। जर्मन बुन्डेस लिगामा बायर्न म्युनिखका पोलिस स्ट्राइकर रोबर्ट लेवान्डोस्कीले रेकर्ड बनाएका छन्। शनिबार राति युनियन बर्लिनविरुद्ध वायर्न म्युनिखले २–१ को जित हात पारेको खेलमा गोल गर्दै लेवान्डोस्कीले रेकर्ड बनाएका हुन्।

उनी जर्मन लिगको सुरुवाती ९ खेलमा लगातार गोल गर्ने पहिलो खेलाडी बनेका हुन्। शनिबारको खेलमा वायर्नले बेन्जामिन पभार्डको गोलबाट १३औं मिनेटमा अग्रता लिएको थियो। ५३ मिनेटमा लेवान्डोस्कीले गोल गरेसँगै वायर्नले अग्रता दोब्बर पार्‍यो।

लिगमा नवौं चरणको खेलसम्म वायर्नले १८ अंक जोडेको छ। दोस्रो स्थानको फ्रेवर्गको १७ र तेस्रो स्थानको बोरुसिया डर्टमुन्डको १६ अंक छ।