एजेन्सी । स्पेनिस ला लिगा फुटबलमा सेभियाले सहज जित निकालेको छ ।

आइतबार राति भएको खेलमा सेभियाले गेटाफेलाई २–० गोल अन्तरले पराजित गरेको छ । घरेलु मैदानमा सेभियाका लागि जाभियर हर्नान्डेज र लुकास ओकाम्पोसले एक एक गोल गरे ।

खेलको ६९ औं मिनेटमा हर्नान्डेजले गोल गर्दै सेभियालाई अग्रता दिलाएका थिए । त्यसपछि ७८ औं मिनेटमा लुकासले गोल गर्दा सेभियाले २–० को सहज जित निकाल्यो ।

जितसँगै सेभियाले १० खेलबाट १९ अंक जोडेको छ । सेभिया लिगको पाँचौं स्थानमा छ । १३ अंक जोडेको गेटाफे ११ औं स्थानमा छ । अर्को खेलमा स्पानियोलले लेभान्टेलाई १–० ले हराएको छ ।