एजेन्सी । बंगलादेशले टी–ट्वान्टी क्रिकेट र टेष्ट क्रिकेटका लागि नयाँ कप्तान चयन गरेको छ ।

नियमित कप्तान शाकिब अल हसनलाई अन्तर्राष्ट्रिय क्रिकेट परिषद (आईसीसी) ले २ वर्षको प्रतिबन्ध लगाएपछि बंगलादेश क्रिकेट बोर्डले नयाँ कप्तान छनोट गरेको हो ।

बंगलादेशले टी–ट्वान्टीका लागि महमुदुल्लाह रियाद र टेष्टका लागि मोमिनुल हकलाई कप्तान चयन गरेको छ । महमुदुल्लाहले यसअघि पाँच पटक कप्तानी गरिसकेका छन् । मोमिनुलले भने पहिलोपटक कप्तानी गर्न लागेका हुन् ।

अब महमुदुल्लाह र मोमिनुलले भारत भ्रमणको दौरान कप्तानीको जिम्मेवारी निर्वाह गर्नेछन् ।