काठमाडौं। अन्तर्राष्ट्रिय क्रिकेट काउन्सिल (आईसीसी)ले नेपाल क्रिकेट संघ (क्यान)सँगको समन्वयमा इंग्ल्याण्डको एमसीसी क्लवसँग खेल्ने नेपाली राष्ट्रिय क्रिकेट टिमको घोषणा गरेको छ।

आईसीसीले बिहीबार एमसीसीसँग हुने तीन प्रारुपका लागि फरक फरक तीन टिम घोषणा गरेको रमन शिवाकोटीले जानकारी दिएका छन्।

आईसीसीले घोषणा गरेको टि ट्वान्टी र फस्ट क्लास टिममा भने पूर्व कप्तान पारस खड्का समावेस छैनन्.। तर एक दिवसीयमा भने पारस समावेस छन्। तीनै टिमको कप्तानीको जिम्मेवारी नवनियुक्त कप्तान ज्ञानेन्द्र मल्लले गर्नेछन्।

टि ट्वान्टी टिममा युवा खेलाडीलाई महत्व दिइएको छ भने फस्ट क्लासमा अनुभवी खेलाडीलाई मौका दिइएको छ। फास्ट बलर जितेन्द्र मुखियाले लामो समयपछि फस्ट क्लास टिमबाट नेपाली राष्ट्रिय टिममा पुनरागमन गरेका छन्।

तीन प्रारुपका खेल खेल्न विश्वको सबैभन्दा पुरानो क्रिकेट क्लव एमसीसीको टिम शुक्रबार नेपाल आइपुग्ने छ। खेल नोभेम्बर ४ देखि शुरु हुनेछन्।