काठमाडौँ । जापानमा ट्रकको ठक्करबाट एक नेपालीको ज्यान गएको छ ।

तीन महिनाअघि अध्ययनका लागि जापान गएका कास्की, हेम्जाका २६ वर्षीय चिरञ्जिवी गिरीको ट्रकले ठक्करबाट ज्यान गएको हो ।

जापानको सेन्दाइको मियागिनो वार्डमा साइकलमा जेब्रा क्रसिङ गरिरहेका चिरञ्जिवीलाई ट्रकले ठक्कर दिएको जापानी प्रहरीलाई उदृत गर्दै नेपालीले जानकारी दिएका छन् ।

थापाका अनुसार दुर्घटनामा गम्भीर घाइते भएका गिरीलाई नजिकैको अस्पताल पुर्याइएको थियो। अस्पताल पुर्याउँदा चिकित्सकहरुले उनलाई मृत घोषणा गरेका थिए।

ठक्कर दिने ट्रक ड्राइभरलाई प्रहरीले नियन्त्रणमा लिएर अनुसन्धान गरिरहेको प्रहरीले जनाएको छ ।