काठमाडौं। अस्ट्रेलियाको जंगलमा लागेको भीषण आगोको ठूलो कारण नेपालको मनसुन ढिलो फर्किनु रहेको आश्चर्यजनक खबर सार्वजनिक भएको छ । जंगलमा लागेको आगोका विषयमा अनुसन्धान गरिरहेका एक वैज्ञानिकले यस्तो दावी गरेका हुन् । जंगलमा लागेको यो आगोका कारण अहिलेसम्म ३ जनाले ज्यान गुमाइसकेका छन् । १५० घर जलेका छन् र हजारौं नागरिकले आफ्नो घर छाड्नुपरेको छ ।

मेलबर्न विश्वविद्यालयका वैज्ञानिक ट्रेन्ट पेनहमका अनुसार अस्ट्रेलियामा लागेको यो आगोको पछाडिको कारण नेपालसहित दक्षिण एसियाली मनसुन ढिलो समाप्त हुनु हो । पेनहमका अनुसार संसारभर बदलिने मौसम एक आपसमा जोडिएका हुन्छन् । यिनीहरुलाई अलग गरेर हेर्न सकिन्न । अर्थात कहीँ जाडो हुँदा कहीँ गर्मी हुन्छ तर यी सबै एक अर्कासँग कुनै न कुनै तरिकाले जोडिएका हुन्छन् ।

#SuomiNPP captured this image today of dramatic smoke from bush fires in New South Wales, Australia. These fires are introducing large amounts of smoke particles into the atmosphere, as seen in the 2nd S-NPP image. According to @NSWRFS, 45 of the 82 fires are not yet contained. pic.twitter.com/LeRvqrv9Az

— Joint Polar Satellite System (JPSS) (@JPSSProgram) November 8, 2019

तर आश्चर्यजनक कुरा त यो हो कि दक्षिण एशियाली मनसुन ढिलो जानुले १० हजार किलोमिटर टाढाको अस्ट्रेलियाको कुनै इलाका (डार्विन जहाँ आगो लागेको छ) मा असर पार्छ ? दक्षिण एशियामा यस वर्ष अक्टोबर महिनाको बीचसम्म भारी वर्षा भएको थियो । यसअघिका वर्षहरुमा दक्षिण एशियामा मनसुन हरेक वर्ष जूनदेखि सेप्टेम्बरको बीचमा समाप्त हुन्छ । त्यसपछि मनसुनी हावा दक्षिणतिर जान्छ ।

ट्रेन्ट पेनहमका अनुसार यसअघिका वर्षहरुमा यो समयमा अस्ट्रेलियाको यी क्षेत्रमा वर्षा हुन्थ्यो जहाँ अहिले आगो लागिरहेको छ । तर वैश्विक स्तरमा मौसममा भएको बदलावका कारण अस्ट्रेलियाको पूर्वी तट अत्याधिक गर्मी भयो । यले त्यो क्षेत्र आगोको चपेटामा पर्ने जोखिम बढेको छ । भयावह आगोका लागि यी परिस्थिति अनुकूल हुन्छन् जो यतिबेला अस्ट्रेलियामा देखिएको छ ।

जंगलमा लागेको भयावह आगोका कारण अस्ट्रेलियाको न्यू साउथ वेल्स राज्यमा ७ दिनको लागि संकटकाल घोषणा गरिएको छ । यहाँ करिब ८.५० लाख हेक्टर जमिन आगोका कारण बर्बाद भइसकेको छ । यतिमात्र होइन सिड्नी शहर पनि आगोको चपेटामा आउने खतरा बढेको छ । यो पनि भनिएको छ कि अहिलेको स्थिति १० वर्षको इतिहासमा सबैभन्दा भयावह हो ।