काठमाडौं। एनसेलका प्रिपेड ग्राहकले अब देश भित्र अन्य नेटवर्कमा रहेका आफ्ना साथी भाइ र आफन्तसँग सुलभ दरमा कुरा गर्न सक्ने भएका छन्।

एनसेलले ‘अल नेटवर्क भ्वाइस प्याक’ अफर संचालनमा ल्याएको छ। यस अन्तर्गत ग्राकहले कर बाहेक प्रतिमिनेट रु १ को दरमा देश भित्रको सम्पूर्ण नेटवर्कमा कल गर्न सक्नेछन्।

यो अफर बाहेक विद्यमान शुल्क अनुसार एनसेलका ग्राहकले अन्य सेवा प्रदायकको नेटवर्कमा कल गर्दा कर बाहेक प्रतिमिनेट रु १.९९ लाग्नेछ।

यो अल नेट भ्वाइस प्याक मंगलबार (कातिक २६) देखि संचालनमा आएको हो। यस प्याक अन्तर्गत ग्राकहले २० मिनेटको अल नेटवर्क टक टाइम (देशका अन्य कुनै पनि टेलिकम सेवा प्रदायकको नेटवर्कमा कल गर्न मिल्ने) कर बाहेक रु २० (कर सहित रु २५.५४) मालिन सक्नेछन्।

यसरी देश भित्रको अन्य नेटवर्कमा सुलभ दरमाकलगर्न सकिने अफर ल्याइएको यो पहिलो पटक भएको एनसेलले जनाएको छ। यो प्याक सुचारु गर्न चाहने एनसेलका ग्राहकले एष्ट्रिक्स १७११८ एष्ट्रिक्स ७ ह्यास डायल गर्न सक्छन् । प्याक सुचारु गरेपछि २४ घण्टाका लागि मान्य हुनेछ।

यो प्याकले ग्राकहलाई थपमुल्यप्रदानगर्ने र अन्य नेटवर्कमा रहेका आफ्ना साथीभाई रआफन्तजनहरुसँग सुलभ दरमा सम्पर्कमा रहि रहन मद्दत गर्ने विश्वास एनसेलले लिएको छ । यो अफर माघ २६ गते सम्म संचालनमा रहने छ ।