काठमाडौं। गत भदौंमा प्रदर्शनमा आएको नेपाली फिल्म ‘पासवर्ड’निर्माण गरेको कम्पनी ए.बी इन्टरनेशनल प्रा.लिले अब वितरणमा पनि हात हालेको छ।

ए.बी इन्टरनेशनलले नेपाली र हिन्दी फिल्म नेपाल र विदेशमा वितरण गर्न लागेको बुधबार एक विज्ञप्तीमार्फत् जानकारी दिएको हो। शुक्रबार रिलिज हुने बलिउड फिल्म ‘मरजावां’बाट कम्पनिले वितरण थालेको जारी प्रेस विज्ञप्तिमा उल्लेख गरिएको छ।

‘ए.बी इन्टरनेशनलले नेपालीसंगै विदेशी फिल्म समेत वितरण गर्दै आम दर्शकमाझ विश्वस्तरीय मनोरञ्जनको पहुँच पुर्याउने यहाँहरुलाई जानकारी गराउन चाहान्छौं’– कम्पनीका प्रबन्ध निर्देशक अजित केआर थापाद्वारा हस्ताक्षरित विज्ञप्तीमा भनिएको छ।

ए.बी इन्टरनेशनलले वर्षमा दुईवटा फिल्म निर्माण गर्ने र ति फिल्मलाई अन्तराष्ट्रियकरण गर्ने उद्धेश्य लिएको छ। यो कम्पनीले निर्माण गरेको फिल्म ‘सम्हालिन्छ कहिले मन’प्रदर्शनको तयारीमा छ।