एजेन्सी । युरोछनोटमा फ्रान्सले पुनरागमन जित आत्मसाथ गरेको छ । बिहिबार राति भएको समूह एचको खेलमा फ्रान्सले माल्डोभालाई २–१ गोल अन्तरले हराएको हो ।

खेलको नवौ मिनेटमा पछाडी परेको फ्रान्सले दुई गोल गर्दै पुनरागमन जित निकालेको हो । घरेलु टोली फ्रान्स खेलको नवौ मिनेटमा राटाको गोलमा पछाडी पर्यो ।

राफेल भारानेले ३५ औ मिनटमा फ्रान्सलाई बराबरीमा ल्याउन सफल भएका थिए । ७८ औ मिनेटमा ओलिभर जिराउडले पेनाल्टीमा गोल गर्दै फ्रान्सलाई जित दिलाउन सफल रहे । जिराउडले पछिल्ला पाँच अन्तराष्ट्रिय खेलमा चार गोल गर्न सफल रहेका छन् ।

फ्रान्स यसअघिनै युरोकपमा छनोट भईसकेको छ । डिडियर डेसच्याम्सको टोलीले आगामी आईतबार अल्बानियाको सामना गर्नेछ । यदी हार टार्न सकेमा मात्र फ्रान्स समूहको शीर्ष स्थानमा रहदै छनोटको अन्त्य गर्नेछ ।

समूह एचको खेलमा फ्रान्सले ९ खेलबाट २२ अंक जोड्यो । माल्डोभा ३ अंक सहित तालिकाको छैटौ स्थानमा रह्यो ।