काठमाडौं । नेपाली चलचित्र ‘मखमली मखमली’ को प्रदर्शन मिति तय गरिएको छ । सवित्रा चिलुवालले निर्माण गरेको यो चलचित्र मंसिर १३ गतेदेखि देशभर प्रदर्शनमा आउने भएको हो ।

नारी प्रधान भनिएको यस चलचित्रमा नारीका समस्या र भोगाईलाई प्रस्तुत गरिएको छ । चलचित्रमा जयकिसन बस्नेत, शुभेच्छा थाप, सावित्रा चिलुवान, शारदा गिरी, सविन वास्तोला, कुशलभ केसीलगायत अलाकारहरुले अभिनय गरेका छन् ।

संगीत वसन्त सापकोटाको रहेको चलचित्रको रामेश्वर हुमगाईले छायांकन गरेका हुन् । २१ औं शताब्दीमा आइपुग्दा पनि नेपालको ग्रामिण बस्तीमा देखिने पुरुष र महिलाबीचको विभेदलाई पर्दामा उतारिएको निर्माण पक्षको भनाई छ ।