मुम्बइ। अक्षय कुमार बलिउडका सबैभन्दा चर्चित सुपरस्टारमध्ये एक हुन् । अक्षय कमेडी, सामाजिक मुद्दा र एक्सन सबैमा फिट छन् । अक्षय फिल्म बनाउने काममा पनि निकै छिटो छन् । सधैंजस्तै २०२० मा पनि अक्षयसँग केही ठूला प्रोजेक्टहरु छन् । २०२० मा त अक्षय कुमारले बलिउड नै कब्जामा लिने तयारीमा छन् । यो वर्ष उनका ५ फिल्म आउँदैछन् । २०२० का लागि मात्र बलिउडले अक्षय कुमार माथि ५०० करोडभन्दा बढी पैसा दाउमा लगाएको छ ।

सूर्यवंशीः २०२० मा अक्षय कुमार निर्देशक रोहित शेट्टीको फिल्म सूर्यवंशीमा देखिँदैछन् । यो फिल्म २७ मार्चमा रिलिज हुनेछ । यो फिल्मलाई ८० करोड बजेटमा निर्माण गर्न लागिएको हो । यसमा अक्षयसँग कट्रिना कैफ हुनेछिन् ।

लक्ष्मी बमः कियारा आडवाणी र अक्षय कुमारको यो फिल्म हरर हुनेछ । तेलुगु फिल्मका निर्देशक राघव लरेन्सले यो फिल्म निर्देशन गर्दैछन् । यो फिल्म २०२० को इदमा रिलिज हुँदैछ । फिल्मको बजेट करिब १०५ करोड रुपैयाँ छ ।

पृथ्वीराजः २०२० को दिवालीमा अक्षय कुमार मिस वर्ल्ड मानुषी छिल्लरसँग फिल्म पृथ्वीराजमा आउँदैछन् । यो फिल्म यशराज ब्यानरमा बन्दैछ । यो फिल्म ३०० करोडको बजेटमा बन्न लागेको बताइएको छ ।

बच्चन पाण्डेः अक्षय कुमार इद र दिवालीसँगै क्रिमसमा पनि सिनेमाघरमा आउनेछन् । अक्षयको फिल्म बच्चन पाण्डे २०२० को इदमा आमिर खानको फिल्म लाल सिंह चढ्ढासँग जुध्नेछ । यो फिल्म करिब ८० करोडको लागतमा बनिरहेको छ । फिल्ममा अक्षय कुमारसँग कृति सेनन हुनेछिन् ।