काठमाडौं । कतारमा आयोजना हुने फिफा विश्वकपको दोस्रो चरणको छनोट अन्तर्गत नेपालले आज कुवेतसँग प्रतिस्पर्धा गर्दैछ । नेपालको पहिलो घरेलु खेलको रुपमा रहेको कुवेतसँगको खेल भुटानको थिम्पुमा हुनेछ ।

थिम्पुस्थित चाङ्लिमिथाङ रंगशाला नेपाल र कुवेतबीचको खेल नेपाली समय अनुसार पौने ३ बजे सुरु हुनेछ । यस्तै नेपाल र कुवेतबीचको खेल प्रत्यक्ष प्रशारण हुने भएको छ ।

खेल नेपाल टेलिभिजनको एनटीभी प्लसबाट प्रत्यक्ष प्रशारण हुनेछ । यस्तै भुटान फुटबल फेडेरेसनले माइकुजु टिभीबाट पनि प्रत्यक्ष प्रशारण गर्नेछ । नेपालको दशरथ रंगशाला अन्तर्राष्ट्रिय मापदण्ड अनुसार नबनेपछि नेपाल र कुवेतले न्युट्रल भेन्यु भुटानमा खेल्न लागेको हो ।

बलियो कुवेतविरुद्ध मैदानमा उत्रँदा नेपाल उत्कृष्ट प्रदर्शन गर्ने योजनामा हुनेछ । त्यसका लागि आफ्नो टिम तयार रहेको मुख्य प्रशिक्षक योहान कालिनले बताएका छन् ।

यहाँ हेर्नुहोस लाईभ