काठमाडौँ । अबुधाबीमा जारी टी–१० लिगको फाइनल खेलमा आज मराठा अरेबियन्स र डेक्कन ग्लाडीएटर्सबीच भिडन्त हुँदैछ । नेपाली समयअनुसार पौने १० बजे सुरु हुने खेलमा मराठा अरेबियन्सले टस जितेर फिल्डिङ रोजेको छ।

गएराती सम्पन्न दोस्रो ईलिमिनेटरमा डेक्कनले कलन्दर्सलाई १२ रनले पराजित गर्दै फाइनलमा पुगेको हो । यसअघि शनिबार नै भएको पहिलो क्वालिफायरमा कलन्दर्सलाई पराजित गरेर मराठा फाइनलमा पुगेको थियो ।

त्यस्तै कलन्दर्स र बंगला टाइगर्सबीच तेस्रो स्थानका लागि आजै भएको खेलमा बंगला टाईगर्सले जित निकालेको छ।