मुम्बइ। अक्षय कुमार र करिना कपूर एक पटक फेरि एउटै फिल्ममा आएका छन् । फिल्मको ट्रेलर रिलिज भइसकेको छ र फ्यानहरु फिल्म पर्खेर बसेका छन् । हालै हिन्दुस्तान टाइम्सलाई दिएको अन्तरवार्तामा अक्षयले करिनासँग फिल्म गर्दाको अनुभव शेयर गरेका छन् । अक्षयले करिनासँग काम गर्नु रमाइलो हुने बताउँदै उनीसँगको सुटिङ वाइल्ड पिकनिकजस्तो हुने बताएका छन् ।

अक्षयले भने ‘बेबोसँग काम गर्नु वाइल्ड पिकनिकमा जानुजस्तो हुन्छ । उनी आफ्ना हरेक कामलाई शानदार तरिकाले गर्छिन् । यदि कहिलेकाहीँ उनीबाट गल्ती भइहाले पनि उनी यो कुरा अरुलाई थाहा हुन दिन्निन् । केवल क्ल्यापको एक आवाजबाट उनी मम्मी र साथीबाट फिल्मकी प्रोफेसनल क्वीनमा बदलिन्छिन् । मलाई थाहा छ हामीलाई साथमा देख्न फ्यानहरु प्रतिक्षा गरिरहनुभएको छ ।’