बेइजिङ । चीन र जापानबीचको उच्चस्तरीय परामर्श संयन्त्रलाई चीनका राष्ट्रपति सि चिनफिङ र जापानी प्रधानमन्त्री सिन्जो आबेलाई बधाई दिएका छन्।
चीनको राजधानी बेइजिङमा सोमबार सो संयन्त्रको बैठक बसेको छ । त्यसमा दुवै देशका कूटनीतिक अधिकारीहरुको सहभागिता रहेको छ ।

उक्त बैठकको पूर्व सन्ध्यामा चिनियाँ राष्ट्रपति सि चिनफिङ र जापानी प्रधानमन्त्री सिन्जो आबेले बधाई सन्देश पठाएका छन्।
उक्त संयन्त्र दुई देशबीचका जनताको तहमा सम्पर्क विस्तार गर्न र आपसमा सांस्कृतिक विकास र आदानप्रदान गर्नका लागि सो संयन्त्र सहयोगी सिद्ध हुने बताइएको छ ।

त्यस पत्रका चिनियाँ राष्ट्रपति चिनफिङले चीन र जापानले विगत लामो समयदेखि आफ्नो गहिरो र मजवुद सम्बन्धको विकास गर्दै आएका उल्लेख गरेका छन् ।
उनले चीन जापानका नागरिकले कम्तीमा पनि दुई हजार वर्ष यतादेखि आफ्नो सांस्कृतिक र अन्य सम्बन्धको विकास गर्दै आएको उल्लेख गरे ।
साथै यस सम्बन्धका कारण यी दुई देश आपसमा सहयोगी रही आएको पनि सो पत्रमा उल्लेख गरेको बताइएको छ ।

उक्त संयन्त्र जापान र चीनबीचको सांस्कृतिक तथा जनसम्पर्कका कार्यहरुको आपसी आदान प्रदान हुने धारणा जापानी प्रधानमन्त्री आबेको छ ।
दुई देशबीचको आपसी तथा पारस्पारिक सहयोग र सुमधुर सम्बन्धको विकासका क्षेत्रमा थप सहयोगी सिद्ध होस् भनेर गएको जुन महिनामा भएको आबे र चिनियाँ राष्ट्रपति सिको भेटका क्रममा सो प्रस्ताव गरेको बताइएको छ।

गत जुन महिनामा उहाँहरुबीच जापानको ओसाकामा भएको भेटका क्रममा यस्तो खालको संयुक्त संयन्त्र निर्माण गर्ने र आपसी सहयोग र सद्भाव विकासका लाग काम गर्ने भन्दै यो संयन्त्रको निर्माण गर्ने प्रस्ताव जापानले गरेको थियो ।

सोही प्रस्तावबमोजिम स्थापित यस संयन्त्रको पहिलो बैठक सोमबार बेइजिङमा शुरु भएको छ । सो बैठकमा दुवै देशका उच्च कूटनीतिज्ञहरुको सहभागिता रहेको छ ।
यस उच्चस्तरीय संयुक्त संयन्त्रले यी दुवै देशका बीचमा समय समयमा देखापर्ने असमझदारीहरुलाई हटाउन पनि सहयोग पु¥याउने बताइएको छ । (रासस÷सिन्ह्वा)