एजेन्सी। भारत र बंगलादेशबीचको पहिलो डे नाइट टेस्ट ३ दिनमै सकिएपछि बंगाल क्रिकेट बोर्डले बाँकी २ दिनको टिकट किनेका प्रशंशकको टिकटको पैसा फिर्ता दिने भएको छ । बंगलादेशसँगको यो टेस्ट तेस्रो दिनको पहिलो सत्रमै सकिएको थियो । भारतले यो टेस्ट एक इनिङ र ४६ रनले जितेको थियो ।

बंगाल क्रिकेट बोर्ड (क्याब)ले बयानमा भनेको छ ‘चौथो र पाँचौं दिनको टिकटको पैसा फिर्ता दिने प्रक्रिया सुरु भएको छ । अनलाइन टिकट किन्ने सबैलाई म्यासेज पठाइनेछ जसले केवल यी दुई दिनको टिकट बुक गरेका थिए ।’ क्याबका सचिव अभिषेक डालमियाले भने ‘क्याबले सधैं क्रिकेट प्रेमीहरुको साथ दिएको छ र उनीहरुलाई सर्वश्रेष्ठ सुविधा उपलब्ध गराउने प्रयास गरेको छ । यसपटक पनि कुनै अपवाद हुने छैन । यो हाम्रो नैतिक जिम्मेवारी हो कि अन्तिम २ दिनको टिकटको पैसा फिर्ता दिइयोस् जुन दिन कुनै खेल नै भएन ।’