बर्न। मिस नेपाल २०२० को युरोप अडिसन स्वीट्जरल्याण्ड हुने भएको छ। अडिसन आगामी डिसेम्बर १५ मा स्वीट्जरल्याण्डको राजधानी बर्नमा हुने भएको हो।

छनोट कार्यक्रम गैर आवासीय नेपाली संघ (एनआरएनए) स्वीट्जरल्याण्ड महिला विभागको संयोजकत्वमा मिस नेपालमा हुने भएको हो।

संघकी युरोप महिला संयोजक योगिता थापालगायतको टोली अडिशनको निम्ति बर्न आउने भएको छ।

युरोपका विभिन्न देशबाट छानिएर मिस नेपाल युरोपको फाइनल कार्यक्रम भने बेल्जियममा हुनेभएको छ। बेल्जियममा छानिएपछि मिस नेपालको काठमाडौंमा हुने कार्यक्रममा सहभागी गराइनेछ।