काठमाडौँ । युइएफए युरोपा लिगमा म्यानचेस्टर युनाइटेड पराजित भएको छ । गएराती सम्पन्न खेलमा युनाइटेड अस्टानासँग २–१ गोल अन्तरले पराजित भएको हो । अस्टानाको जितमा एक गोल डिमीट्री शोमकोले एक गोल गरेका थिए भने एक गोल युनाइटेडका डिशोन बेर्नान्डले आत्मघाती गोल गरेका थिए ।

त्यस्तै युनाइटेडका लागि एक गोल जिस्से लिंगार्डले गरेका थिए । हारपछि पनि म्यानचेस्टर युनाइटेड समूह एलबाट अर्को चरणमा आफ्नो स्थान सुरक्षित गरिसकेको छ । युनाइटेड ५ खेलमा १० अंकसहित शीर्ष स्थानमा रहेको छ । त्यस्तै अस्टानाको ५ खेलमा ३ अंक रहेको छ ।