एजेन्सी। हैदराबादमा महिला डाक्टरलाई बलात्कार गरी जलाइएको घटना शान्त हुन नपाउँदै त्यही ठाउँमा यस्तै किसिमको अर्को घटना भएको छ । समशाबादमा एक अर्की महिलाको जलेको लाश भेटिएको आज तकको समाचारमा उल्लेख छ । यो त्यही ठाउँ हो जहाँ केही घण्टाअघि एक महिला डाक्टरको बलात्कारपछि जलेको शव भेटिएको थियो ।

महिलाको उमेर करिब ३५ वर्ष भएको बताइएको छ । यसअघि २७ वर्षकी महिला पशु चिकित्सकको लाश एक टोल प्लाजा नजिकै भेटिएको थियो । महिला डाक्टर बुधबार कोल्लुरुस्थित पशु चिकित्सालय गएकी थिइन् । महिला डाक्टर फर्कने बेला उनले पार्किङमा राखेको स्कुटर पन्चर अवस्थामा भेटिएको थियो । अपराधीहरुले नै स्कुटर पन्चर गरेको हुन सक्ने आशंका गरिएको छ ।